Kryetari i Lëvizjes Socialiste për Integrim, Ilir Meta, mori pjesë në një aktivitet festiv të organizuar nga të rinjtë e Lëvizjes Rinore për Integrim të qytetit të Fierit.
Në takimin me të rinjtë, Meta vlerësoi rëndësinë e pjesëmarrjes në politikë dhe në vendimmarrje, duke theksuar se “për LSI-në të rinjtë janë të parët”.
Në krah të tij, u shfaqën vajzat e LSI-së por edhe aktori i njohur i humorit, Bes Kallaku. Nuk dihet çfarë i ka thënë Besi kreut të Kuvendit, por duket se ata po ja kalojnë shumë mirë në krah të njëri-tjetrit.
Nuk është sekret që aktori i njohur i “Portokallisë” ka dobësi për LSI-në. Dy vite më parë ai u shfaq në krah të Spartak Brahos, madje si shoferi i tij personal, kur ky i fundit shkoi të dëshmonte në prokurori për çështjen “Doshi”.
